Jamita ni Amang Sekretaris Jenderal

Jamita ni Amang Sekretaris Jenderal

Di HKBP Dame Sukaramai Kampar Barat Tingki Pesta MBO Dohot Pembangunan

Tanggal 27 Juni 2000

TURPUK : Psalm 23 : 1 – 6

1. Patujolo

Hamu angka dongan, sadarion patupaontama Mameakhon Batu Ojahan (MBO) di huria on, asa bagas joro on ingananta marsaor dohot Tuhanta nang donganta jolma. Laos pesta MBO sadarion paboahan na Jesus Kristus do na gabe ojahan ni parsaoranta. Paboa halak kristen ruas ni huria on ima na nipinapungupungu ni Debata di bagasan Tondi Porbadia ala ni haporseaon dohot pos ni rohanta di Ibana.

2. Debata do Parmahan Bolon

Jamita sadarion patuduhon gombaran ni sahalak parmahan. Somal do parmahan i digombarhon songon halak na mansai gogo, ai tuk gogona laho paradehon angka na ringkot di Birubiru na pinarmahanna. Tuk gogona mamboan tu jamapalan na lomak dohot tu aek na tio, aek hangoluan. Tambani i molo digoari Parmahan, huhut do adong di ibana hagogoon mangadopi angka musu na naeng manahop Birubiru na pinarmahanna. Alani i mansai sonang do Birubiru na pinarmahanna ala diparade jala singkop sude, huhut adong na manjaga dohot na mangaramoti ibana, padaohon nasa ragam ni parmaraan. Sai tu jampalan na lomak do dipatongon angka parmahan Birubiru na pinarmahanna ala holong ni rohana.

Hamu angka dongan, ia turpuk sadari on ima sada turpuk na mansai populer, na mansai tarbarita. Torop do jolam na mambahen turpuk on gabe ayat emas, paboahon na Debata do Parmahan Bolon na manarihon na ringkot di ngolu ni jolma. Molo tapaihutihut turpuk i nangkin, adong disi angka na arga isarana : “dipatongon tu jampalan na lomak, ditogu tu aek na tio, ditogu tu dalam hatigoran, jala didongani mardalan di rura linggoman ni hamatean. On ma na naeng soarahonon ni turpuk on : “Ganup ari do tangkas panogunoguon dohot panarihonon ni Debata di ngolunta”. Nadisarihon Debata do ngolunta ganup tingki, ganup ari. Jala nuaeng dung tatangihon turpuk on, laos ido na naeng peingothon hita, manungguli rohanta, manangihon hata ni Debata.

Alani i, hamu angka dongan, ndang holan tangihonon turpuk on, ndang holan apilon ayat on, ndang holan botoon. Alai las dohot do manungguli rohanta paboa sude dipasingkop, diparade Tuhanta. Tauji ma jolo marningot, mangarimangrimangi pardalanan ni ngolunta siganup ari mamungka sian na metmet dope hita be. Molo adong umurta nuaeng 40 taon, 50 taon, 60 taon, lapatan ni i nasa godang ni umurta ima hita diparmahani Debata. Taingot ma jolo ngolunta uju rap dope hita be dohot angka natorasta di tingki metmet. Ndang adong agia aha na tamiliki, alai lam magodang hita, remaja, gabe naposo. Jala dung hot ripe, lam martambatamba silehonlehon ni Debata di ngolunta. Sude do hita dapotan pasupasu sian Debata. Otik manang godang, metmet manang balga, sedu hita diparmahan, dipasingkop, diparade angka na ringkot di ngoluntabe. Alai ndang holan hamoraon ukuran parmahanion ni Debata. Ndang holan sinadongan ukuran pandonganion ni Debata.

3. Dua barita taringot tu parmahanion ni Debata.

Di sada tingki adong do sahalak naposo na pistar, na cemerlang masa depanna. Alai tompu ibana lumpuh ndang boi mardalan. Mago ma sude harapan dohot cita-cita na adong di ibana. Alani i sai marsak ma ibana ala naung lumpuh, jala hancur masa depanna. Ndang mungkin be jumpang agka napinarsinta ni rohana. Alai dialo ibana do pangalaho na songgop tu ibana didok ibana : “ Tuhan, nang pe songon on diparmahani ho dope ngolungku, unang loas ahu marsak, unang loas mandele. Alani semangat na adong di iabana, ndung lumpuh ibana boi dope diciptakan ibana sada ende “ Lebih dekat, Tuhan kepadaMu”. Nangpe naung lumpuh ibana dihilala ibana